Sulmuesi i Manchester Cityt ka fituar më së shumti vota për lojtarin më të mirë të muajit.
Raheem Sterling është shpallur futbollisti i muajit nëntor në Premier Ligë.
Reprezentuesi anglez ka qenë vendimtar gjatë muajit të shkuar për kampionët e Anglisë duke realizuar tre gola dhe ka dhuruar tre asistime për bashkëlojtarët, në ndeshjet që City i ka fituar ndaj Fulham, Southampton, Manchester United dhe West Ham.
Sterling ka qenë fantastik në këtë sezon me skuadrën e Pep Guardiolas, duke realizuar nëntë gola dhe tetë asistime në të gjitha garat.
