Po kalonte një moment të artë, por Berat Gjimshiti mund të ndalet. Mediat pranë Atalantës ngrenë alarmin se qendërmbrojtësi nuk është në gatishmëri të Gasperinit në këtë fundviti.
Mbrojtësi i Atalantës po vuan shqetësime muskulore në muskujt e rrëzave të kofshëve që quhet ndryshe edhe pubalgji. Për momentin, stafi mjekësor ka kërkuar nga lojtari që të kryejë disa seanca stërvitore i veçuar dhe duket se do të vërë në rrezik vetëm përballjen e radhës ndaj Lacios së Thomas Strakoshës. Gjimshiti i ka bindur të gjithë në kampin e bergamaskëve dhe ka fituar postin e titullarit me çfarë ka treguar së fundmi në fushë.