Është bërë tërheqja e shortit të Ligës së Evropës.
Pas shortit të Ligës së Kampionëve, është hedhur edhe ai i Ligës së Evropës, ku skuadrat e mbetura kanë mësuar kundërshtarët e tyre.
Ekipe të mëdha si Inter, Chelsea, Arsenal, Napoli dhe Sevilla janë në mesin e favoritëve për ta fituar këtë vit trofeun e dytë më të rëndësishëm evropian.
Interi do të ndeshet me skuadrën austriake, Rapid Viena, derisa Chelsea do të ketë përballë ekipin suedez Malmo. Short i lehtë edhe për Arsenalin që do të ndeshet me skuadrën nga Bjellorusia, Bate Borisov.
Zurichu ku luajnë shumë futbollistë shqiptar, ka qenë i pafat në short, pasi do të ndeshet me Napolin.
Short i vështirë edhe për Lazion e Valon Berishës dhe Thomas Strakoshës që ka për kundërshtar Sevillan.
Ndeshjet e para do të luhen më 14 shkurt kurse ato të kthimit më 21 shkurt të vitit 2019.
Çiftet
Plzen – Dinamo Zagreb
Club Brugge – Salzburg
Rapid Viena – Inter
Slavia Praga – Genk
Krasnodar – Bayer Leverkusen
Zurich – Napoli
Malmo – Chelsea
Shakhtar – Eintracht Frankfurt
Celtic – Valencia
Rennes – Betis
Olympiacos – Dynamo Kiev
Lazio – Sevilla
Fenerbahce – Zenit
Sporting – Villarreal
Bate Borisov - Arsenal
Galatasaray - Benfica.
