“Kur dëgjoj që skuadra e Napolit nuk ka një “top player”, çmendem. Ju konfirmoj një gjë, që ne i formojmë lojtarët “top”. Kam refuzuar 105 milionë euro për Koulibaly. Mourinho e kërkonte me çdo kusht”, u shpreh presidenti i Napolit, Aurelio de Laurentiis.
Kjo deklaratë e presidentit napoletan erdhi pas eliminimit të Napolit nga Champions League dhe akuzave se kjo ndodhi për shkak se skuadra e trajnerit Carlo Ancelotti nuk ka yje në përbërjen e saj. “Europa League tani është një kompeticion që ka ndryshuar shumë. Ka shumë parà dhe shumë skuadra të mëdha. Preferoj që në gjysmëfinale të dueloj me Chelsea”, tha De Laurentiis.