Milan nuk ka arritur të përfitojë nga humbja 1-0 e pësuar të hënën në mbrëmje nga Lazio kundër Atalanta-s dhe ka barazuar 0-0 në ndeshjen e luajtur në fushën e Bologna-s, që ka mbyllur javën e 16-të të Serisë A.
Kuqezinjtë mbeten në vendin e katërt të renditjes me 27 pikë, dy më shumë se bardhekaltrit që mbajnë vendin e pestë. Kështu, milanezët kanë shpërdoruar një mundësi për të krijuar një distancë sigurie kundër në garën për vendin e katërt.
Takimi i “Dall’Ara”-s ka qenë i mërzitshëm dhe pa raste, me Palacio-n që ka rrezikuar në pjesën e parë për vendasit dhe Calahnaglu që ka shkuar afër golit për miqtë në pjesën e dytë.
Milan e ka mbyllur ndeshjen me dhjetë lojtarë pas kartonit të kuq të marrë nga Bakayoko në minutën e 76-të. Pavarësisht superioritetit numerik, skuadra e Filippo Inzaghi-t, ish-sulmuesi legjendar i kuqezinjve, nuk ka arritur të përfitojë dhe të marrë një fitore që i mungon prej tetë ndeshjesh në kampionat.
