Gjakovë, protestë kundër pelegrinëve serbë të dyshuar për krime - Bota Sot
Gjakovë, protestë kundër pelegrinëve serbë të dyshuar për krime

Gjakova

Gjakovë, protestë kundër pelegrinëve serbë të dyshuar për krime

Më: 2 janar 2019 Në ora: 23:20
Ilustrim

Qytetarët e Gjakovës të cilët ende po i kërkojnë familjarët e tyre të pagjetur, kanë paralajmëruar protestë me 6 janar, ditën kur pritet që qytetarë serbë të kryejnë pelegrinazh në këtë qytet.

Nëpërmjet Facebook'ut, ata kanë bërë thirrje për protestë, siç kanë thënë “jo se kanë problem me pelegrinazhin, por se në mesin e tyre ka persona me që ua njohin të bëmat gjatë luftës”.

Postimi i plotë:

THIRRJE PËR PROTESTË

Sërish erdh janari, sërish presim të vjen një grup serbësh në qytetin e Gjakovës me datën 6. Ne, qytetarët e Gjakovës, nuk kemi problem me besimin e tyre e as me të drejtën e tyre për të bërë pelegrinazh, siç interpretohet nga ta.

Problemin që kemi ne është se në mesin e tyre ka persona të cilëve ne ua njohim të bëmat gjatë luftës. Ata kanë emër e mbiemër. Por, jemi dëshmitarë se të njëjtit nuk janë hetuar, gjykuar, e dënuar, për këto të bëma. Në këto rrethana kur heshtja institucionale ka shtuar krip në plagët tona, vizita e tyre në qytetin që e lanë me gjak dhe e bënë shkrumb e hi është provokim. Nuk mbetet rrugë tjetër përpos protestës qytetare.

Prandaj, ne, qytetarët e Gjakovës, u bëjmë thirrje të gjithë bashkëqytetarëve të na bashkohen ditën e diel, me datën 6 janar, tek rruga “Mbretëresha Teutë,” nga ora 8:00 në mëngjes. Edhe këtë vit do të protestojmë paqësisht. Dalja jonë dëshmon se Gjakova nuk ka harruar. Dalja jonë dëshmon se Gjakova kërkon drejtësi për të gjitha krimet e kryera nga regjimi serbë kudo në Kosovë.

Gjakova NUK harron!

Gjakova kërkon drejtësi!

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...