Alternativa e Gjakovës: Kategoritë e liruara po detyrojnë të paguajnë shërbimet shëndetësore - Bota Sot
Alternativa e Gjakovës: Kategoritë e liruara po detyrojnë të paguajnë shërbimet shëndetësore

Gjakova

Alternativa e Gjakovës: Kategoritë e liruara po detyrojnë të paguajnë shërbimet shëndetësore

Më: 15 korrik 2019 Në ora: 11:07
Ilustrim

Alternativa dega në Gjakovë me anë të një komunikate për media ka reaguar në lidhje me siq shkruan kjo parti qeverisja Gjini po i detyron kategoritë e liruara me ligj të paguajnë shërbimet shëndetësore.

Sipas Alternativës me një urdhëresë të pa shkruar, kryetari i komunës së Gjakovës, Ardian Gjini  dhe drejtoresha e Shëndetësisë dhe Mirëqenies Sociale, Adelina Shehu Kola, kanë urdhëruar menaxhmentin e QKMF-së në Gjakovë, që në kundërshtim me nenin 22 të  ligjit për shëndetësi, të marrin pagesa për shërbime shëndetësore  edhe kategorive të liruara nga pagesat, siç janë pensionistët, personat me aftësi të kufizuara, shfrytëzuesit e skemës sociale, invalidët e luftës, nxënësit etj.

Pagesat ndaj kategorive të lartpërmendura, sipas Alternativës  janë duke u aplikuar tash e disa javë në të gjitha Qendrat e Mjekësisë Familjare në komunën e Gjakovës.

“Ky detyrim i qeverisjes lokale në Gjakovë, rëndon edhe më shumë jetën e vështirë socio –ekonomike të qytetarëve të kësaj komune, si dhe tregon bajraktarizimin e Aleancës dhe të tjerëve në raport me qeverisjen e Gjakovës”, thuhet në komunikatë.

Alternativa dega në Gjakovë,  ia kujton Ardian Gjinit se është kryetar për t’u lehtësuar jetën qytetarëve e jo për ta rënduar përditshmërinë e tyre.

“Qeverisja lokale nuk është vetëm të ndërtosh mure dhe asfalt, por të krijosh kushte të barabarta për mirëqenën e gjithë qytetarëve pa dallim. Vendimet e tilla që mbahen të fshehta dhe hedhja e përgjegjësisë diku tjetër, tregojnë paaftësinë e kryetarit për të qeverisur drejt dhe aftësinë e tij për të qeverisur mbrapsht”, thuhet në komunikatë.

Alternativa i bën thirrje organeve të drejtësisë, që të hetojë dhe të dënojë të gjithë akterët që kanë sjellë këtë vendim në kundërshtim me ligjet, aktet nënligjore dhe vendimet për lirimin e kategorive të caktuara nga pagesat, kurse urgjentisht presim ndërhyrjen e Ministrisë së Shëndetësisë, për parandalimin e këtij akti të jashtëligjshëm ndaj kategorive që janë të liruara nga pagesat për shërbime shëndetësore.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...