Vazhdojnë edhe sot përpjekjet për shuarjen e zjarrit në malet e Gjakovës, nuk ka rrezik për banorët - Bota Sot
Vazhdojnë edhe sot përpjekjet për shuarjen e zjarrit në malet e Gjakovës, nuk ka rrezik për banorët

Gjakova

Vazhdojnë edhe sot përpjekjet për shuarjen e zjarrit në malet e Gjakovës, nuk ka rrezik për banorët

Më: 3 shtator 2019 Në ora: 10:38
Foto

Që nga data 27 gusht, pyjet e Gjakovës në brezin kufitar me Shqipërinë po vazhdojnë të digjen.

Për të ndihmuar në shuarjen e zjarreve përveç policisë dhe zjarrfikësve, është aktivizuar edhe ushtria .

Vetëm sot në terren janë 9 njësi të zjarrfikësve nga qytete të ndryshme që po asistojnë në shuarjen e zjarrit.

Kështu ka bërë të ditur, zëdhënësja e policisë së Gjakovës, Lirie Podrimaj.

“Një pjesë e madhe e zonës malore që është në zonën e përgjegjësisë së DPR-Gjakovë është përfshirë nga zjarri që nga data 27.08.2019. Lidhur me këtë rast janë njoftuar të gjitha njësitë relevante të cilat vazhdojnë të punojnë në terren dhe kanë arritur të shuajnë një pjesë të madhe të zjarrit, vetëm sot i kemi janë 9 njësi të zjarrfikësve nga qytete të ndryshme që po asistojnë në shuarjen e zjarrit”, ka thënë Podrimaj.

Ajo ka shtuar se zjarret nuk paraqesin rrezik për banorët.

“Për shkak të terrenit të pa përshtatshëm dhe pamundësisë së zjarrfikësve për të arritur në afërsi të lokacionit një pjesë e zjarrit nuk është arritur të shuhet. Bazuar në informatat nga terreni nuk ka rrezik për banorët”, u shpreh Podrimaj./Telegrafi

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...