Banorët e gjashtë fshatrave të Gjakovës ndihen të rrezikuar, ura e pasigurt

Gjakova

Banorët e gjashtë fshatrave të Gjakovës ndihen të rrezikuar, ura e pasigurt

Më: 18 tetor 2019 Në ora: 21:20
Banorët e fshatrave të Gjakovës

Banorët e gjashtë fshatrave të komunës së Gjakovës, nuk po ndihen të sigurt, për shkak të urës që është në gjendje të keqe, ne fshatin Osek Pashë. Ndërsa, në komunë, thonë se kanë ndërmarr masat, dhe sanimi i problemeve do të filloj këtë fundjavë.

Kjo urë lidhë 6 fshatra ndërmjet të komunës së Gjakovës, por që gjendja e saj momentale nuk është e mirë. Për këtë arsye, banorët e fshatit Osek Pashë, po ankohen se ura tash e 3 vite është e pa sigurt për të kaluar. Sipas Lekë Dushit, banor i fshatit, të rrezikuar janë të gjithë banorët e kësaj ane.

“Gjendja në këtë urë është një tmerr i paparë për fshatin…Rindërtimi i kësaj ure do të lehtësonte trafikun në qytet dhe do të lidhte më mirë disa fshatra”, deklaroi për RTV Dukagjinin, Lekë Dushi.

Edhe pse kërkesa e tyre për të intervenuar ishte refuzuar disa muaj më parë nga komuna e Gjakovës, drejtori i shërbimeve publike Shkumbin Kastrati, ka marrë masa të menjëhershme për sanimin e kësaj ure, që sipas tij punimet do fillojnë në vikend.

“Jemi të informuar për urën në fshatin Osekë Pashë. Ajo urë është ndërtuar nga KFOR-i, ndërsa dërrasat tashmë janë të dëmtuara. I kemi dhënë kompanisë urdhër për sanimin e kësaj ure. Besojmë që për vikend ose me fillimin e javës tjetër ajo urë do të sanohet. Është një ankesë e drejtë e qytetarëve të atyre fshatrave”, deklaroi Shkumbin Kastrati.

Përveç urës që është në gjendje të tillë, fshati ka probleme të shumta edhe me mbeturina.

commentFirst article
Sot mund të lexoni Shfletoni kopertinat