Inspektorët sanitarë bashkë me zyrtarët policorë në komunën e Gjakovës në orët e mbrëmjes kanë ndërmarrë një aksion për kontrollim se sa po zbatohen rekomandimet për luftimin e koronavirusit.
Tush Markaj, zyrtar policor, ka thënë se aksioni ka nisur nga ora 20:00 për të vazhduar deri në 23:30.
“Janë kontrolluar 31 operatorë ekonomikë dhe në gjashtë prej tyre janë vërejtur parregullsi”.
“Rekomandimet e IKSHP nuk kanë qenë duke u zbatuar. Distanca sociale, tavolinat nuk kanë qenë të vendosura sipas rekomandimeve dhe janë shqiptuar gjoba administrative”.