Kosovarët po vazhdojnë të merren me bixhoz, ani pse kjo veprimtari ishte ndaluar nga Qeveria Haradinaj, shkak i vrasjeve që kishin ndodhur nëpër bastore.
E dje Policia e Kosovës në Gjakovë ka kapur një person i cili ishte duke e zhvilluar këtë veprimtari të kundërligjshme.
Sipas njoftimit të Policisë në vendin e të dyshuarit janë konfiskuar 56 mijë euro para të gatshme, një shtëpizë kompjuterike, një printer, katër televizor, një fletore dhe tridhjetë e një tiketa të basteve.
I dyshuari pas arrestimit është liruar dhe rasti ka shkuar në procedurë të rregullt.
“Gjakovë 05.07.2020 – 21:50. Është arrestuar i dyshuari mashkull kosovar, pasi që i njëjti ishte duke punuar në një bastore. Nga polica janë gjetur dhe konfiskuar një shtëpizë kompjuterike, një printer, katër televizor, një fletore, tridhjetë e një tiketa të basteve dhe 56.90 euro para të gatshëm. Me vendim të prokurorit, pas intervistimit i dyshuari është liruar dhe rasti shkon në procedurë të rregullt”, thuhet në raportin 24 orësh.