Vdes një punëtor në Gjakovë, ra nga kati i pestë i objektit ku punonte

Gjakova

Vdes një punëtor në Gjakovë, ra nga kati i pestë i objektit ku punonte

Më: 12 janar 2021 Në ora: 18:47
Ilustrim

Një punëtor nga Malisheva, 38 vjeçar, ka ndërruar jetë si pasojë e lëndimeve që ka marrë, pasi ka rënë nga kati i pestë i objektit ku ishte duke punuar.

“Me datë 12.01.2021 rreth orës 16:20, stacioni policor-Gjakovë ka pranuar informatë lidhur me një person i cili kishte rënë nga një objekt në ndërtim e sipër nga kati i -V-të ne Rr.”Selman Riza”-Gjakovë”, ka bërë të ditur për media, zëdhënësi i Policisë së Kosovës në Gjakovë, Nysret Gjyrkaj.

Ai ka thënë se patrulla në vendngjarje ka konfirmuar incidentin. Në vendngjarje po ashtu ka dalë autoambulanca të cilët viktimën e kanë dërguar ne Spitalin Rajonal “Isa Grezda” – Gjakovë.

Në spital është konfirmuar vdekja e viktimës. I ndjeri është 38 vjeç nga Malisheva.

“Lidhur me rastin janë njoftuar të gjitha njësitet përgjegjëse të cilat kanë dalë në vendin e ngjarjes, si dhe prokurori kujdestar dhe inspektori i punës. Me urdhër të prokurorit kujdestar trupi i pajetë dërgohet për obduksion”, theksoi Gjurkaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat