​Kusari-Lila tregon për çka folën dje me Kurtin në Gjakovë

Gjakova

​Kusari-Lila tregon për çka folën dje me Kurtin në Gjakovë

Më: 14 nëntor 2021 Në ora: 10:50
Mimoza Kusari-Lila

Kandidatja e Lëvizjes Vetëvendosje për kryetare të Komunës së Gjakovës, Mimoza Kusari-Lila, u ka bërë thirrje qytetarëve të kësaj komune që të shfrytëzojnë të drejtën e tyre për të votuar.

Ajo pasi që përfundoi procesin e votimit në shkollën "Yll Morina", tha se sot është një ditë e bukur për demokracinë. E shoqëruar nga bashkëshorti dhe djali i saj, Kusari-Lila, tha se sot qytetarët do të tregojnë verdiktin e tyre për atë që është prezantuar në fushatë zgjedhore.

Kusari-Lila: Pak minuta në votim janë katër vjetët e ardhshëm

"Sot është një ditë e bukur për demokracinë, sot është triumfi i demokracisë. Zgjedhjet në Republikën e Kosovës e kanë një rëndësi të veçantë për faktin se të gjithë qytetarët e kanë mundësinë sot të flasin dhe të tregojnë verdiktin e tyre për gjithë çfarë ne kemi prezantuar në fushatë parazgjedhore. Për komunën e Gjakovës jam e lumtur të them se ka qenë një fushatë e mbarë, një fushatë e mirë, uroj edhe kjo ditë të përmbyllet me sukses, e natyrisht ju bëjë thirrje gjithë qytetarëve të Komunës së Gjakovës pa dallim që të dalin të shfrytëzojnë të drejtën e tyre për të votuar për të shprehur vullnetin e tyre, pak minuta në votim janë katër vjetët e ardhshëm për të gjithë ata që jetojnë, veprojnë në Komunën e Gjakovës", tha Kusari-Lila.

Kusari-Lila ka folur edhe për vizitën e kreut të LVV-së, njëherësh kryeministrit Albin Kurti dje në Gjakovë.

Kusari-Lila: Me Kurtin diskutuam për procesin zgjedhore

"Ne jemi bashkëpunëtorë me kryeministrin Kurti, diskutim për përgatitjet e përgjithshme për procesin zgjedhor", tha ajo.

Kusari-Lila është në garë me kandidatin e AAK-së dhe kryetarin aktual Ardian Gjini. Në Gjakovë të drejtë vote për të zgjedhur të parin e komunës kanë 113 mijë e 165 qytetarë. Në këtë komunë janë 34 qendra të votimit me gjithsej 139 vendvotime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat