​Komuna e Gjakovës bëhet me tre kamionë të rinj për mbeturina

Gjakova

​Komuna e Gjakovës bëhet me tre kamionë të rinj për mbeturina

Më: 21 qershor 2022 Në ora: 20:39
Ardian Gjini

Komuna e Gjakovës është përfituese e tre kamionëve të rinj për grumbullimin e mbeturinave si pjesë e grantit të Performancës Komunale për Mjedis të Pastër.

Kryetari Ardian Gjini ka thënë se Gjakova është përfituese e mbi 600 mijë euro në mesin e komunave përfituese të grantit në fjalë, i financuar nga Ministria e Mjedisit Planifikimit Hapësinor dhe Infrastrukturës, Zyrës së Bashkimit Evropian, si dhe i mbështetur nga GIZ-i gjerman.

Ai ka thënë se komuna këtë grant ia dedikon ndërmarrjes “Çabrati”, e cila po punon në zgjerimin e ofrimit të shërbimeve për qytetarët.

“Ndërsa nga ndërmarrja “Çabrati” kërkohet seriozitet dhe përkushtim në punë”, ka shkruar ai në Facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat