Deputeti nga radhët e Lëvizjes Vetëvendosje, Dardan Molliqaj çaste më parë ka publikuar një status të tijin në Facebook, në të cilin është shprehur i bindur se Driton Çaushi, i cili është kandidat i VV-së për Gjakovën do i fitoj zgjedhjet.
Ai në këtë shkrim ka numëruar edhe disa arsyen se pse Çaushi do i fitojë zgjedhjet.
Mirëpo ai ia huq kur thotë se “Gjakova është lodhur nga udhëheqja kriminale e AAK-së”.
Kjo pasi që, rikujtojmë se Gjakova që 4 vite udhëhiqet nga Mimoza Kusari-Lila, e cila në kohën kur ishte zgjedhur kryetare ka qenë në AKR, ndërsa tani ajo është në Alternativa.
Ndërsa, më poshtë në status ai thotë se me ardhjen e VV-së në Gjakovë do të ndalet krimi dhe korrupsioni, duke nënkuptuar se edhe në qeverisjen e kryetares Kusari-Lila ka korrupsion.
Driton Çaushi do ta fitojë Gjakovën sepse:
Gjakova e dëshiron rimëkëmbjen dhe kthimin e dinjitetit që e kishte dikur;
Gjakova është lodhur nga udhëheqja kriminale e AAK-së;
Gjakova e meriton një kryetar që përkushtohet për Gjakovën dhe e bënë gjumin në Gjakovë;
Dritoni bashkë me Lëvizjen VETËVENDOSJE! do ta çrrënjos krimin dhe korrupsionin në Gjakovë;
Gjakova kësaj here do të vendos me mendje e zemër;
Gjakova e bëri Dritonin deputetin më të votuar në Gjakovë;
Gjakova do t’ia besoj Dritonit udhëheqjen e Komunës.