Sami Musa zgjidhet deputet në Parlamentin e Hamburgut - Bota Sot
Sami Musa zgjidhet deputet në Parlamentin e Hamburgut

Gjermania

Sami Musa zgjidhet deputet në Parlamentin e Hamburgut

Më: 25 shkurt 2020 Në ora: 11:03
Sami Musa

Kandidati i Partisë Socialdemokrate (SPD) me origjinë nga Pozharani i Vitisë në Kosovë, Sami Musa bëhet deputeti i parë me origjinë shqiptare në Parlamentin e Hamburgut. 35-vjeçari është një afarist i njohur në Hamburg.

Sami Musa ka kandiduar në listën e Partisë Socialdemokrate, e cila në zgjedhjet e së dielës (23 shkurt) ka fituar më shumë se 39% të votave dhe ka zënë vendin e parë në këtë qytet/land. Në këtë mënyrë, SPD do të mbetet në pushtet, ndonëse ka shënuar një rënie te votave prej më shumë se 6%.

Por partneri i deritanishëm i SPD në koalicion, ekologjistët, kanë dyfishuar numrin e votave (me mbi 24%) dhe në këtë mënyrë, sipas të gjitha gjasave, jo vetëm që do të vazhdojnë qeverisjen e përbashkët, por do të forcojnë pushtetin. Pjesë e pushtetit do të jetë pra edhe deputeti i ri me origjinë nga Kosova, Sami Musa.

Lajmin për fitoren e Sami Musës e ka konfirmuar për Deutsche Wellen babai i tij Xhelil Musa, një afarist i kahershëm në Hamburg.

Më vonë të gjithë zgjedhësit ka falënderuar edhe vet Sami Musa, i cili premton realizimin e objektivave të premtuara gjatë fushatës elektorale. “Po i kam fituar 3661 vota dhe besoj se jam brenda në parlamentin e Hamburgut”, konfirmon Sami Musa.

Deputeti i ri i Hamburgut ka falënderuar të gjithë ndihmësit dhe zgjedhësit, me fjalët se “votuesit janë angazhuar për demokraci”, ndërsa ai premton se do të angazhohet me të gjitha mjetet për realizimin e premtimeve dhe vlerave demokratike.

Lajmin se Sami Musa do të jetë pjesë e parlamentit të Hamburgut e kanë publikuar jo vetëm familja e tij, por edhe mediat gjermane.

Shfaq komentet
comments powered by Disqus
Sot mund të lexoni Shfletoni kopertinat