Një grup prej pesë kosovarësh janë akuzuar për vjedhje në 68 raste nëpër shtëpi Gjermani. Prokuroria gjermane ka ngritur të hënën aktakuzë ndaj grupit të shqiptarëve nga Kosovatë cilët dyshohen se kanë kryer vjedhje për një periudhë 3-vjeçare (2013-2016).
Siç raporton gazeta gjermane Bild në versionin online të saj, katër prej pesë të arrestuarve janë të afërm mes vete (një çift – burrë dhe grua, vëllai i burrit dhe nipi i tij), ndërsa personi i pestë është një shqiptar tjetër nga Kosova.
Katër burrat nga Kosova janë të moshave 22 deri në 32 vjeç dhe janë identifikuar me emrat: Lum L., Valdrin N., Bujar L., Labinot K. dhe gruaja, 30-vjeçe, e quajtur Elvire T., raporton Insajderi.
Elvire T. është e martuar me Labinot K.
Policia gjermane kishte formuar një njësit të veçantë për të kapur bandën e kosovarëve. Prokuroria gjermane dyshon se banda “familjare” kishin kryer vjedhje profesionale në qytetet Erfurt, Weimar dhe Hesse.
Ata dyshohet se kanë vjedhur bizhuteri të kualitetit të lartë dhe gjërave elektrike në vlerë prej 250 mijë eurove. Banda, dyshohet po ashtu se u ka krijuar dëme familjeve gjermane në vlerë prej 100 mijë eurove.
Siç shkruan Bild, banda fillimisht i kishte spiunuar familjet gjermane në të cilat kishin kryer vjedhje.
Ata kishin qëndruar ilegalisht në Gjermani, edhe pse kishin gjetur strehim atje.
