Ministri i Diasporës i Shqipërisë, Pandeli Majko, u takua sot në Dyseldorf të Gjermanisë me shumë bashkatdhetarë dhe përfaqësues të shoqatave, me të cilët bisedoi për organizimin e diasporës shqiptare dhe koordinimin e kapaciteteve të mundshme për ndërtimin e urave të bashkëpunimit në interesa të diasporës dhe trojeve shqiptare.
Në këtë takim morën pjesë edhe kryetari i Lidhjes së Shkrimtarëve, Artistëve dhe Krijuesve Shqiptarë në Gjermani Pal Sokoli, kryetari i bashkësive të shoqatave shqiptare në Gjermani Lulzim Veliu, Megi Mass aktiviste në partinë gjermane CDU.
Në takim aktivisti i dalluar i çështjes kombëtare Fatmir Muçolli shpalosi idenë e tij për organizimin e Projektit “Besëlidhja Shqiptare e Shekullit 21” që pritet më 21 mars të organizohet në Prishtinë.