Darka e lamës është festë tradicionale shqiptare e cila zakonisht është mbajtur në fund të tetorit kur janë vjelë të mirat e punës verore. Quhet e lamës sepse lama ka qenë vendi i rrafshët në fshatra malore, ku janë përpunuar të korrat.
Lama po ashtu ka qenë vend gravitues i solidaritetit dhe reciprocitetit në mes fshatarëve shqiptarë, duke ndihmuar njëri- tjetrin me fuqi punëtore. Duke qenë se te shqiptarët sfera bukësore ka qenë pjesë e rëndësishme e jeteses, “dhënia e bukës” ka qenë aspekt esencial i marrëdhënieve sociale tradicionale.
Të dhënat etnografike tregojnë se me grumbullimin e produkteve dhe përfundimin e punëve, në viset e ndryshme të Kosovës, gjithmonë është organizuar një darkë e madhe e përbashkët për të falënderuar njerëzit që kanë ndihmuar në përfundimin e punëve blegtorale e bujqësore. Kjo është evidentuar edhe në vitet e fundit në fshatra të ndryshme.
Kjo festë tradicionale qe rivitalizuar në vitin 2002 edhe në nivel institucional nga Presidenti Dr.Ibrahim Rugova. President Rugova e pati shpallur “Darkën e Lamës” si festë të falënderimit dhe e pati promovuar si festë shtetërore të Republikës së Kosovës. Presidenti Rugova kishte ftuar të afërm politik, bashkëpunëtorë institucionalë e shtetërorë dhe miq ndërkombëtarë për të dhënë darkën dhe falënderuar Zotin dhe tokën e Kosovës për të mirat që kishte sjellë atë mot.
Të interesuarit për të marrë pjesë në Darken e Lames, të lalmërohen te përfaqsuesit e Nëndeges nga rajonet e tyre ,ose në tel.015168448693 më së voni deri më 28.10 2018 për shkaqe rezervimi.
Janë të ftuar edhe Familja e Presidentit Rugova,përfaqsues nga Kryesia e LDK-së në Kosovë si dhe përfaqsues e aktivist në Gjermani, Bruksel dhe Zvicer.
Kryetari i Nëndegës Jakup Gërguri 22.10.2018 NRW.