Rrugët e Gjilanit janë të hapura, apelohet për kujdes të shtuar - Bota Sot
Rrugët e Gjilanit janë të hapura, apelohet për kujdes të shtuar

Gjilani

Rrugët e Gjilanit janë të hapura, apelohet për kujdes të shtuar

Më: 10 janar 2019 Në ora: 20:12
Gjilan

Në qytetin e Gjilanit të gjitha rrugët janë të hapura, mirëpo autoritetet bëjnë apel për kujdes të shtuar në komunikacion.

Komuna e Gjilanit është duke intervenuar gjatë gjithë kohës për hapjen e rrugëve, pas reshjeve të borës të cilat po vazhdojnë edhe në këto momente.

Kështu ka njoftuar drejtori i Shërbimeve Publike, Infrastrukturës dhe Banimit, Naser Korça, i cili ka potencuar angazhimin maksimal të stafit të komunës dhe operatorit ekonomik që gjithçka të tejkalohet në normalitet të plotë.

Ai ka thënë se së bashku edhe me institucionet tjera në Komunën e Gjilanit janë në gjendje gatishmërie për të ofruar mbështetje e plotë në rast të paraqitjes së nevojës për intervenim.

“Kompania e cila ka për detyrë mirëmbajtjen e rrugëve dhe hapjen e tyre, është duke vepruar në gjithë hapësirën e Gjilanit. Komuna apelon te të gjithë qytetarët e Gjilanit të kenë kujdes të shtuar gjatë qarkullimit në komunikacion dhe përdorimin e pajisjeve dimërore në mënyrë që të evitojnë aksidentet ose problemet tjera që mund të ndodhin”, tha mes tjerash drejtori Korça.

Drejtori gjithashtu ka kërkuar durim nga qytetarët, duke theksuar se Operatori Ekonomik vazhdimisht është në terren dhe puna nuk do të ndalet derisa të gjitha rrugët të happen, duke përfshirë edhe zonat e thella malore.

Komuna e Gjilanit njofton qytetarët që për çdo problem që eventualalisht mund të hasin të kontaktojnë numrat kujdestarë: +383 44 234 007 dhe +383 45 540 803 dhe ekipet komunale do t’u përgjigjen në kohën më të shpejtë të mundshme.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...