Në përkujtim të rënies së Agim Ramadanit, në Gjilan mbillen drunj dekorativ - Bota Sot
Në përkujtim të rënies së Agim Ramadanit, në Gjilan mbillen drunj dekorativ

Gjilani

Në përkujtim të rënies së Agim Ramadanit, në Gjilan mbillen drunj dekorativ

Më: 11 prill 2019 Në ora: 15:35
Foto

Në ditën e rënies heroike të Agim Ramadanit dhe në 20-vjetorin e Betejës së Zhegocit, Komuna e Gjilanit ka nisur aksionin e madh për mbjelljen e fidanëve e luleve në qytet.

Me këtë rast, kryetari i Komunës Lutfi Haziri me bashkëpunëtorët kanë mbjellë drunj dekorativ në qendër të qytetit.

“Në ditën e rënies heroike të Agim Ramadanit, ne po e fillojmë aksionin e madh për pastrimin dhe gjelbërimin e Gjilanit. Çdo dëshmori do t’ia dedikojmë një fidan këtë vit dhe natyrisht ftoj qytetarët që të solidarizohen në emër të tyre dhe familjeve të tyre që të na bashkëngjiten ne këtë aksion”, ka thënë Haziri.

Në kuadër të këtij aksioni, i pari i gjilanasve ka paralajmëruar se do të largohen të gjitha llojet e deponive ilegale.   

“Ne pretendojmë që të jemi qytet i gjelbër dhe ne jemi në rrjetin e  qyteteve të mençura si pjesë e rrjetit global Smart City. Po ashtu, jemi duke investuar shumë edhe në efiçiencë të energjisë. Gjatë mbrëmjes, ndërmarrjet publike komunale do të vazhdojnë me pastrim, largimin e deponive ilegale dhe të çdo lloj mbeturine në qytetin tonë dhe fshatra. Faza e dytë do të implementohet në muajin shtator dhe tetor”, theksoi kryetari Haziri.

Ndryshe, të mërkurën me vendim të kryetarit Haziri, Komuna e Gjilanit do të vazhdojë aksionin “Ta pastrojmë Gjilanin” deri më 20 qershor, së bashku me të gjitha institucionet në nivelin lokal, duke përfshirë këtu shkollat, institucionet shëndetësore, kompanitë regjionale, FSK-në, zjarrfikësit. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...