100 të rinj të Gjilanit nënshkruajnë kontratat e punës praktike me pagesë - Bota Sot
100 të rinj të Gjilanit nënshkruajnë kontratat e punës praktike me pagesë

Gjilani

100 të rinj të Gjilanit nënshkruajnë kontratat e punës praktike me pagesë

Më: 17 prill 2019 Në ora: 19:16
Kryetari i Gjilanit Lutfi Haziri dhe ambasadorja Nataliya Apostolova morën sot pjesë në ceremoninë e nënshkrimit të kontratave për praktikë në kompanitë vendore

Kryetari i Gjilanit Lutfi Haziri dhe ambasadorja Nataliya Apostolova morën sot pjesë në ceremoninë e nënshkrimit të kontratave për praktikë në kompanitë vendore të 100 të rinjve nga rajoni i Gjilanit me pagesë, me qëllimin që gjatë të ardhmes të njëjtët të mbeten aktivë në punë dhe të krijojnë të ardhura për vete dhe familjet e tyre.

Kjo është bërë e mundur përmes mbështetjes së BE-së dhe Komunës së Gjilanit, të cilat si institucione kanë qenë në partneritet të plotë që ky projekt ka shënuar efektet pozitive me angazhimin e 100 të rinjve në punë.

Kryetari Haziri ka thënë se këto kontrata për të rinjtë e këtij regjioni janë një lajm i gëzuar për të gjithë, pasi me këtë po krijohet mundësia shumë e mirë për ushtrimin e profesionit të agrobiznesit dhe krijimin e të ardhurave njëkohësisht.

“Sipas statistikave, në vitin 2018 Gjilani hyn në mesin e komunave me ambientin më të qëndrueshëm për zhvillimin lokal ekonomik, i bazuar në bujqësi. Përgatitja profesionale e të rinjve, trajnimet e shumta dhe puna praktike në sektorin e prodhimit, janë një bazë e fuqishme e zhvillimit ekonomik lokal”, tha Haziri.

Ndërsa, ambasadorja Nataliya Apostolova, tha se me numrin e bizneseve aktuale në Gjilan beson fuqishëm se numri i të punësuarve do të rritet, përkundër kërkesave të mëdha për vende pune.

Ajo ka potencuar se BE është duke investuar vazhdimisht në projekte me vlerë të lartë në regjionin e Gjilanit, për të krijuar mundësi më të mëdha për të rinjtë, punësim të tyre në sektorin privat, zhvillimin e sektorit të bujqësisë së bashku me të gjitha komunitetet që jetojnë në këtë pjesë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...