Dega e Gjilanit i ka bërë të gjitha përgatitjet për fillim të mbarë të fushatës zgjedhore.
Kështu u tha në takimin e sotëm me kryetarët e nënshtabeve, nën udhëheqjen e kryetarit të Shtabit Zgjedhor të Degës së Lidhjes Demokratike të Kosovës në Gjilan, Arben Mehmeti.
Mehmeti tha se pas mobilizimit të madh të strukturave brenda një muaji, LDK e Gjilanit do të mbështesë fuqishëm kandidaten për kryeministre, Vjosa Osmani dhe kandidatët për deputetë, për të triumfuar në mënyrë plebishitare më 6 tetor.
LDK e Gjilanit do të bëjë fushatë moderne në përputhje me ligjet në fuqi, pa e shkelur në asnjë moment kodin zgjedhor, thuhet në komunikatë.
Përndryshe, Dega e LDK-së në Gjilan e hap fushatën pesë minuta pas mesnatës, ndërkaq të mërkurën në ora 16:00, në teatrin e qytetit, do të mbahet tubimi madhështor me strukturat e partisë.
