Kandidati i Lidhjes Demokratike të Kosovës nga komuna e Gjilanit, Imet Rrahmani, ka thënë se krijimi i Universitetit të Gjilanit është projekt i LDK’së.
“Po më vjen mirë që edhe të tjerët po e pranojnë që Universiteti i Gjilanit është projekt i LDK’së” tha ai, por që ngjalli reagimin e kandidatit të AAK’së.
Rrahmani tutje shtoi se çështja e kampusit universitar do të zgjidhet.
“Dislokimi merr 5 vjet kohë, në bazë të informacioneve që i kemi” tha ai.
Tutje, ai hodhi edhe akuza ndaj Haradinajt dhe ministrave për bllokim të projektit.
“Kryeministri Haradinaj nënshkruan vendime ndërsa ministri nuk e gjen formën e zbatimit” tha ai duke shtuar se partia e tij do të insistojë për hapësira të përshtatshme.
Ndërsa sa i përket objektit të tanishëm, ai tha se do të lirohet ai objekt për shkollë të mesme.