Policia e Kosovës në rajonin e Gjilanit është duke zbatuar në përpikëri masat qeveritare për kufizimin e lëvizjes. Këto masa sipas zëdhënësit të policisë në këtë rajon, Ismet Hashani do të kenë efekt në parandalimin e përhapjes së pandemisë Covid 19.
Hashani për KosovaPress apeloi të gjithë qytetarët e kësaj ane që të kufizojnë lëvizjet në këtë kohë pandemie.
Hashani: Policia në Gjilan është e mobilizuar
“Policia e Kosovës është e mobilizuar të themi dhe mirë përgatitur si në logjistik, ashtu edhe në staf. Kështu që krahas institucioneve tjera Policia e Kosovës po jep maksimumin e vet që të tejkalojmë sa më lehtë këtë kohë të rëndë që është për mbarë vendin tonë”, thotë ai.
Ai thotë se kanë vendosur shirita në të gjitha hapësirat e gjelbëruara dhe vendet ku ka frekuentim nga ana e qytetarëve.
Hashani: T’i respektojmë rekomandimet e qeverisë
“Kemi vendosur shirita në të gjitha hapësirat e gjelbëruara në parqe, apo vende ku e dina se frekuentim të qytetarëve. Është rast i mirë që të apelojmë që të mos kemi grumbullime edhe pse koha po përmirësohet dhe mund të lëvizin njerëzit. Por qëllimi i të gjithë neve është që të mos bëjmë panik, por në çdo mënyrë dhe formë t’i respektojmë rekomandimet e qeverisë me qëllim preventiv”, thotë ai.
Hashani u shpreh se janë pajisur me mjetet mbrojtëse, derisa thotë se do të vazhdojnë te kenë masa preventive.
Hashani: Këto masa kanë me pas efekt
“Besojmë shumë që këto masa kanë me pas efekt dhe do të vazhdojmë të kemi preventiv sa më të madhe”, u shpreh Hashani.
Në rajonin e Anamoravës qëndrojë sot edhe kryemini stri në detyrë, Albin Kurti, ku i premtoi mbështetje kësaj zone.
