Gjilani fillon masat lehtësuese në disa sektorë ekonomik

Gjilani

Gjilani fillon masat lehtësuese në disa sektorë ekonomik

Më: 4 maj 2020 Në ora: 14:33
Pamje nga vendi i ngjarjes

Komuna e Gjilanit ka vlerësuar gjendjen e përballjes me COVID-19 dhe Komiteti për Menaxhimin e Emergjencave, ka konfirmuar se gjendja është nën kontroll dhe nuk ka asnjë rast të ri me Coronavirus.

Gjilani ka nisur të krijojë masat lehtësuese të marra për parandalimin e Coronavirusit dhe ky lehtësim i masave duhet të vije gradualisht dhe me një kontroll, ka bërë të ditur kreu i Gjilanit, Lutfi Haziri.

“Jemi duke hyrë në fazën e uljes së rasteve me COVID-19. Gjilani ka në tretman 26 raste të cilat po monitorohen në vazhdimësi nga ekipet e kujdesit shëndetësor, sikur që edhe rastet që janë duke u trajtuar në spital. Gjilani është duke zbatuar masat e reja që ka lansuar Qeveria e Kosovës për sektorin privat, duke filluar hapja graduale e bizneseve dhe ekonomisë. Komisioni komunal ka përgatitur të gjitha detajet lidhur me bizneset që duhet të punojnë”, ka potencuar Haziri, në konferëncën e sotme për media.

Ai ka theksuar se, sektori privat ka nevojë të mbështetjes dhe të funksionimit, sepse gjendja nëpër të cilën ka kaluar vendi për këta dy muaj, ka qenë vështirësi e madhe në stabilitetin e tyre.

commentFirst article
Sot mund të lexoni Shfletoni kopertinat