Pas masave lehtësuese, Haziri kërkon që të respektohen rregullat kundër Covid-19 - Bota Sot
Pas masave lehtësuese, Haziri kërkon që të respektohen rregullat kundër Covid-19

Gjilani

Pas masave lehtësuese, Haziri kërkon që të respektohen rregullat kundër Covid-19

Më: 5 maj 2020 Në ora: 14:30
Lutfi Haziri

Komiteti për menaxhimin e emergjencave në Gjilan kundër përhapjes së Covid-19, e ka vlerësuar gjendjen e qetë dhe stabile, pasi u bë një javë që nuk ka pasur asnjë rast pozitiv.

Kryetari i Gjilanit, Lutfi Haziri, ka thënë se të gjitha rastet janë në monitorim të institucioneve, ndërkaq ka shtuar se përkundër lehtësimit të masave në sektorin e ekonomisë dhe lirisë së lëvizjes, të mos shkelen rregullat e përcaktuara.

“Kjo nënkupton që nuk mund të dilni në vende publike më shumë se dy herë që janë të përcaktuara nga 90 minuta. Patjetër duhet të përdoren dorëzat e maskat. Në vendet publike nuk ka lejeqëndrim. Edhe më tutje nuk mund të shfrytëzohen parqet dhe vendet e gjelbëtra për rekreacion, sport e aktivitete tjera”, ka thënë Haziri, në konferencën për media.

Ai, me këtë rast, ka njoftuar se është varrosur dje i ndjeri Agon Musliu ne fshatin Gadish, i cili vdiq tragjikisht të dielën.

Haziri i ka shprehur ngushëllimet më të sinqerta familjes Musliu, banorëve të Livoçit të Epërm dhe të gjithë qytetarëve të Gjilanit. 

Shfaq komentet
comments powered by Disqus
Sot mund të lexoni Shfletoni kopertinat