Haziri: Nga sonte Gjilani merr frymë shlirë, s’ka më raste me COVID-19 - Bota Sot
Haziri: Nga sonte Gjilani merr frymë shlirë, s’ka më raste me COVID-19

Gjilani

Haziri: Nga sonte Gjilani merr frymë shlirë, s’ka më raste me COVID-19

Më: 8 maj 2020 Në ora: 23:12
Lutfi Haziri

Kryetari i Gjilanit, Lutfi Haziri ka thënë se sonte kjo komunë pritet ta mbyll çështjen e pandemisë së coronavirusit.

Haziri ka thënë se Gjilani nga sonte merr frymë më shirë.

“Do të jemi ndër të parët nga komunat e mëdha që nuk do të kemi më persona të prekur me COVID-19”.

Duke folur për pasojat e pandemisë, i pari i Gjilanit ka thënë se ka një politikë diskriminuese nga institucionet qendrore në raport me bizneset që janë lejuar të operojnë.

Haziri thotë se komuna ka bërë shumë lirime sa i përket obligimeve komunale në këtë kohë pandemie për qytetarët dhe bizneset.

“Përkundrazi ne kemi subvencionuar 52 familje në pagesën e qerasë. Ne në këtë mënyrë kemi zbrazur arkën komunale”.

Kryetari i Gjilanit ka folur edhe për rastin tragjik që ndodhi me të riun nga Gjilani në qendrën e karantinimit.

“Familja po kalon momente shumë të vështira. Prokuroria ka autorizuar organet policore që të fillojnë hetimin”, tha ndër të tjera Lutfi Haziri.

Shfaq komentet
comments powered by Disqus
Sot mund të lexoni Shfletoni kopertinat