Funksionalizohet pjesa më e madhe shërbimeve në Gjilan - Bota Sot
Funksionalizohet pjesa më e madhe shërbimeve në Gjilan

Gjilani

Funksionalizohet pjesa më e madhe shërbimeve në Gjilan

Më: 12 maj 2020 Në ora: 17:01
Pamje nga takimi

Kryetari i Komunës së Gjilanit, Lutfi Haziri, pas takimit të mbajtur me bordin e drejtorëve, ka njoftuar se pjesa më e madhe e shërbimeve janë funksionalizuar, derisa ka njoftuar për detyrat që janë dhënë për drejtorët të ndarë në tri ekipe, ai për menaxhimin e pandemisë, ekipi për incizimin e gjendjes reale të pasojave në sektorin e ekonomisë dhe ekipi i tretë është i angazhuar për reforma në shërbimin civil dhe arsim.

“Të gjitha shërbimet janë normalizuar në institucionet komunale, në ndërmarrjet publike edhe më tutje biblioteka e qytetit, stadium, palestra e sporteve mbeten të mbyllura si masë për parandalim të përhapjes së pandemisë”, ka njoftuar kryetari.

Në bazë të vlerësimeve të hershme Gjilani ka një rritje të papunësisë në një shifër prej mbi 3 mijë qytetarë që janë lajmëruar vetëm për 60 ditë, që praktikisht në kuadër të kësaj lëvizje të qarkores, del se 30 për qind është rritur papunësia në Gjilan.

Kryetari Haziri ka bërë të ditur se këtë vit do të punohet më shumë në zgjerim të sheshit të qytetit dhe zhvillimit të qevdrës në Gjilan.

“Angazhim maksimal për zgjerim të shesheve dhe investimit në qendër të qytetit në këtë vit është fokus i përbashkët dhe detyrë për veprim. Objekti i ish ekzekutivit duhet të largohet dhe kështu të bëhet zgjerimi edhe i parkut dhe sheshit. Kështu do të vazhdojmë tutje në integrimin e të gjitha hapësirave publike dhe private në mënyrë që një territori prej 5 hektarëve të jetë në shërbim të qytetarëve”, ka thënë kryetari Haziri.

Edhe më tutje mbetet sfidë sipas kryetarit Haziri zhvendosja e Qendrës së Policisë, për të cilën ka thënë se është duke punuar që të gjendjet një zgjidhje, në mënyrë që të fillojnë pastaj punimet në këtë hapësirë sipas planeve urbane.

“Në zonën e parë dhe të dytë të qytetit do të largohen, rrënojat, rrethojat, muret dhe pengesa. Do të integrohen me pjesën urbane. Nuk ka asnjë arsye që biblioteka e qytetit, objekteve komunale, stacioni i autobusëve, spitaleve e ambullantave, përveç shkollave dhe çerdheve, sepse nuk është koha për rrethoja”, ka thënë kryetari në fjalën e tij.

Ai ka potencuar se tani jemi në muajin e pastrimit dhe gjelbrimit të ambientit, duke spikatur zgjerimin e hapësirave të gjelbra, mbjelljen e drunjve dekorativ dhe pastrimin në përgjithësi nga mbeturinat, për t’i kthyer Gjilanit pamjen çfarë vërtetë e meriton, qytet i gjelbër, i pastër, ekologjik dhe i dashur për të jetuar dhe punuar.

Shfaq komentet
comments powered by Disqus
Sot mund të lexoni Shfletoni kopertinat