Haziri: 17 mostrat e marra dolën negativ, ta ndihmojmë Ilir Behlulin - Bota Sot
Haziri: 17 mostrat e marra dolën negativ, ta ndihmojmë Ilir Behlulin

Gjilani

Haziri: 17 mostrat e marra dolën negativ, ta ndihmojmë Ilir Behlulin

Më: 15 maj 2020 Në ora: 23:52
Lutfi Haziri

Janë konfirmuar edhe 10 raste të reja me COVID19 në Kosovë, ndërsa rezulton i shëruar një person.

Lajm të mirë, jep kryetari i Gjilanit, Lutfi Haziri, i cili tregon se nga 17 mostrat e marra të gjitha kanë rezultuar negativ.

Ndërsa ka apeluar të gjithë që të ndihmojnë Ilir Behlulin për shërimin e tij.

Ky është postimi i tij:

#Dita64. Nga 17 mostrat e sotme për #Covid19 në Gjilan, të gjitha kanë rezultuar negative. Po shpresojmë shumë që me sonte po e mbyllim infeksionin sipas kontakteve nga ditët e fundit. Do të vazhdojmë t’i monitorojmë dhe mbështesim 26 rastet e prekura. Urojmë shërim të shpejtë dhe mbylljen edhe të këtij burimi të infeksionit.

Ndërkohë, përpos aksionit për familjen Maloku, kemi filluar edhe aksionin për ndihmë ndaj Ilirit Behlulit dhe me kërkesën e babait të tij, këtë aksion për grumbullimin e mjeteve e kemi filluar tri ditë më parë. Apeloj njerëzit e vullnetit të mirë që ta mbështesin Ilirin për t’iu kthyer jetës normale. Ilir, do ta mundim pandeminë dhe leukeminë.

Shfaq komentet
comments powered by Disqus
Sot mund të lexoni Shfletoni kopertinat