Kryetari i Komunës së Gjilanit, Lutfi Haziri, ka treguar se në komunën e Gjilanit janë bërë 100 mostra për Covid-19 dhe janë në pritje të rezultateve.
Ai ka thënë se Pritjet tona janë për një rritje sepse kemi njohuri për burimet dhe kontaktet e tyre.
‘’Spitali i Gjilanit po i trajton 12 pacientë, ndërsa në Klinikën Infektive në Prishtinë, i keemi 2 qytetarë që po luftojnë COVID19’’, shkruan Haziri, transmeton ‘’Bota sot’’.
Postimi i plotë në Facebook
#Dita119. Gjilani është në pritje të rezultatet e 100 mostrave për COVID19. Më 7 korrik janë marrë 33 mostra, më 8 korrik – 49 mostra, ndërkaq më 9 korrik – 18 mostra. Pritjet tona janë për një rritje sepse kemi njohuri për burimet dhe kontaktet e tyre.
Spitali i Gjilanit po i trajton 12 pacientë, ndërsa në Klinikën Infektive në Prishtinë, i keemi 2 qytetarë që po luftojnë COVID19.
Apeloj për kujdes e distancë sociale. Bashkë e fitojmë këtë lufte më të panjohurën. Kujdesu pak për veten dhe familjen!