Punëtorët shëndetësorë në Spitalin e Gjilanit ende nuk kanë marrë shtesat mujore të premtuara nga Qeveria e Kosovës.
Kështu ka njoftuar sindikata e Spitalit të Gjilanit përmes një komunikate për media, ku kanë kërkuar nga Ministria e Shëndetësisë që në një afat sa më të shkurtër kohor të kryhen këto pagesa.
Komunikata e plotë:
Me rastin e lëshimit të pagave për muajin Gusht,2020 dhe që krahas tyre ka qenë e premtuar nga Ministri i Shendetesis, Qeveria e Republikes së Kosovese që punëtorët do të marrin edhe shtesa mujore prej 300 euro për muajin Korrik dhe Gusht 2020 , dhe që ky premtim nuk është realizuar për asnjë punëtor nga S.P i Gjilanit, shprehim mllefin tonë dhe jemi thellësisht të indinjuar ngase ky është edhe një anashkalim i radhës për të gjithë punëtorët e S.P të Gjilanit.
Indinjata dhe mllefi kanë të bëjnë edhe me atë që sidomos muaji Korrik dhe ai Gusht, 2020 kanë qenë mëse të ngarkuar dhe me një fluks të shtuar të pacientëve me Covid-19, dhe që numri i personelit shëndetësorë të prekur nga Covid-19 gjatë kësaj periudhe kohore është numër i konsiderueshëm.
Sindikata S.P të GJilanit për të gjithë anëtarët e vet kërkon nga Ministri i Shëndetësisë dhe Qeveria e Republikës së Kosovës që në afatin sa më të shkurtë kohor t’ iu bëjë pagesën për këta dy muaj të gjithë punëtorëve të S.P të Gjilanit, në të kundërtën ne në konsultim dhe bashkëpunim me FSSHK-në, do të vendosim për hapat në vazhdimësi nëse veq nuk realizohet pagesa e premtuar për këtë periudh kohore gjatë këtyre ditëve.
