Kryetari i Komunës së Gjilanit, Lutfi Haziri ka njoftuar për bilancin e COVID-19 në këtë komunë.
Haziri ka thënë se janë 1 mijë e 85 raste pozitive nga fillimi i pandemisë, derisa 47 persona kanë vdekur.
Kurse raste aktive janë gjithsej 76, ndërkohë që 66 qytetarë po presin rezultatet e testit për koronavirus.
“Në ditën e 212 të përballjes me #COVID19, në Gjilan kemi 7 raste të reja dhe 4 të shëruar. Ndërkohë, gjendja e përgjithshme është kjo: 1085 të infektuar në total, 962 të shëruar, 47 të vdekur, 76 raste aktive, 14 pacientë janë duke u hospitalizuar, derisa mostra në pritje për rezultat janë 66. Apeli im i vazhdueshëm është që t’i merrni masat anti-COVID19 dhe të mos e neglizhoni virusin. Në të kundërtën, mund t’ua marrë jetën!”, ka shkruar Haziri.