Të premtën që lamë pas, Gjilani u trondit nga një ngjarje e rëndë. Një natë më parë, saktësisht gjatë mesnatës, në rrethana ende të panjohura, një i ri u ther me thikë, i cili s’arriti t’u shpëtojë plagëve.
Engjëll Smerqaku po kthehej nga puna, ndërsa u ther katër herë më thikë para banesës së tij në rrugën “Gjon Serreqi” në Gjilan.
19 vjeçari ishte ende gjallë, por që s’arriti edhe i gjallë deri tek Qendra Emergjente në QKUK në Prishtinë.
Për këtë rast të rëndë, ende s’ka asnjë të arrestuar derisa Policia e Kosovës, është në kërkim të kryerësve të veprës, motivet e së cilës ende janë të paqarta.
Për vdekjen e të riut, është angazhuar Prokuroria Themelore në Gjilan, ku në një përgjigje për media, kanë thënë se po punojnë në ndriçim të rastit. Duke bërë të ditur se janë intervistuar disa dëshmitarë.
“Referuar pyetjeve tuaja, ju njoftojmë se për këtë rast Prokuroria Themelore në Gjilan, në bashkëpunim dhe koordinim me policinë janë duke ndërmarrë veprime hetimore, me qëllim të ndriçimit të kësaj çështje penale, për të cilat do të jeni të informuar me kohë.
Shtesë: Lidhur me rastin janë intervistuar disa dëshmitarë dhe pritet që të intervistohen edhe dëshmitarë të tjerë”, thuhet në përgjigjen e këtij institucioni./
