Haziri: Këndi Arkivor i Shqipërisë shumë shpejt në Bibliotekën e Gjilanit

Gjilani

Haziri: Këndi Arkivor i Shqipërisë shumë shpejt në Bibliotekën e Gjilanit

Më: 23 dhjetor 2020 Në ora: 14:15
Lutfi Haziri

Kryetari i Komunës së Gjilanit, Lutfi Haziri, ka nënshkruar sot marrëveshje bashkëpunimi me Drejtorinë e Përgjithshme të Arkivave të Republikës së Shqipërisë, për dhënien e Këndit Arkivor në Bibliotekën e Qytetit.

Me anë të kësaj marrëveshje, i mundësohet komunitetit shkencor të Gjilanit që të kenë qasje të plotë në dokumentin arkivor, si të ishte në Tiranë, pa pasur nevojën e udhëtimit drejt kryeqendrës shqiptare.

Haziri, pasi e nënshkroi këtë marrëveshje, tha se ndjehet i lumtur që një copë e Shqipërisë tashmë shumë shpejt do të vije në Gjilan.

Ai tha se bashkëpunimi i Komunës së Gjilanit me Republikën e Shqipërisë ka qenë i shkëlqyeshëm, duke e falënderuar për mbështetjen e vazhdueshme.

Pas kësaj marrëveshje, do të fillojnë procedurat për hapjen e Këndit Arkivor, i cili pritet të hapet shumë shpejt në Bibliotekën e qytetit.

Sot mund të lexoni Shfletoni kopertinat