​Gjendja me COVID është alarmante, Haziri kërkon vaksinimin masiv të qytetarëve

Gjilani

​Gjendja me COVID është alarmante, Haziri kërkon vaksinimin masiv të qytetarëve

Më: 22 gusht 2021 Në ora: 23:35
Lutfi Haziri

Kryetari i Gjilanit Lutfi Haziri u ka bërë sonte thirrje qytetarëve të kësaj komune që të vaksinohen, si mënyra e vetme e parandalimit të infeksionit koronavirus.

Apeli i kreut të Gjilanit vjen në kohën kur kjo komunë ka 1416 raste aktive, 91 pacientë janë duke u trajtuar ë Spitalin e Përgjithshëm, ndërkaq 221 mostra janë në pritje për rezultatet.

“Gjendja me COVID-19 në komunën tonë, sikur edhe në tërë Kosovën, është alarmante. Ju lutem shumë që të vaksinoheni në mënyrë masive sepse është e vetmja mënyrë parandalimit të infeksionit me COVID-19. Po ashtu, apeloj që t’i zbatoni masat kundër përhapjes së këtij virusi”, shkruan Haziri në Facebook.

Që nga shpërthimi i epidemisë me koronavirus në Gjilan janë regjistruar 8.141 raste pozitive, prej tyre 6.672 janë shëruar, 152 e kanë humbur betejën.

Në komunën e Gjilanit janë gjithsej 35.578 persona të vaksinuar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat