Haziri viziton Zhegrën thotë se 90 përqind të projekteve i ka realizuar

Gjilani

Haziri viziton Zhegrën thotë se 90 përqind të projekteve i ka realizuar

Më: 4 tetor 2021 Në ora: 23:15
Lutfi Haziri në Zhegrë

Kandidati i LDK-së për Gjilanin, njëherësh edhe kryetar i kësaj komune, Lutfi Haziri, ka vizituar fshatin Zhegër, ku tha se 90 përqind të projekteve për këtë fshat  i ka realizuar.

“Zhegra është kryeqendra e Karadakut, si pozitë gjeografikë, e cila prej maleve e ka kontrolluar edhe Shkupin. Na kanë mbetur edhe pak punë këtu sepse 90 përqind e projekteve i kemi realizuar. Palestra këtu ka mbetur pa dashjen tonë mbrapa, por unë e kam ndalur për shkak se nuk u kryenin punët si duhet. Tashmë e kemi operatorin e ri dhe besoj shumë që do të punohet me dinamikë të madhe”, ka thënë Haziri.

Ai ndër të tjerash ka thënë se ka punuar mbi parimin e barazisë në investime qytet-fshat.

“Ju faleminderit shumë Zhegrës së Idriz Seferit e Agim Ramadanit. Do të mbetem gjithmonë, Luta i Juaj”, ka Haziri.

Ndërkaq nesër rreth orës 13 pritet që Gjilanin ta vizitojë edhe kryetari i Lidhjes Demokratike të Kosovës, Lumir Abdixhiku.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat