Kastrati: Do të rinovohen 15 shtëpi të familjeve në nevojë nga MCC

Gjilani

Kastrati: Do të rinovohen 15 shtëpi të familjeve në nevojë nga MCC

Më: 12 tetor 2021 Në ora: 21:22
Foto ilustrim

Komuna e Kamenicës ka nënshkruar marrëveshje bashkëfinancimi me Fondacionin e Mijëvjeçarit të Kosovës (MFK) që të rinovohen 15 shtëpi të familjeve në nevojë.

I pari i komunës, Qëndron Kastrati tha se me anë të këtij projekti do t'iu lehtësohet barra dhe mirëqenia secilës familje.

"Do të rinovohen 15 shtëpi të familjeve në nevojë nga MCC. Nga projekti i nisur vitin e kaluar, 15 shtëpi do të rinovohen në bashkëpunim me Fondacionin e Mijëvjeçarit të Kosovës, kryefamiljarëve të së cilëve po u lehtësohet barra dhe mirëqenia e secilës familje. Përzgjedhja dhe verifikimi nga Komisioni i MCC 15 kryefamiljarë me kushte të rënda ekonomike, raste sociale", tha Kastrati.

Nga kjo marrëveshje që në total ka vlerën 174 mijë e 656 euro, ku afër 35 mijë euro do të financohet nga Komuna e Kamenicës dhe 139 mijë e 725 euro nga MCC, do të bëhet izolimi i mureve të jashtme, dyshemesë e papafingos, zëvendësimi i dyerve dhe dritareve, stova efiçiente me biomasë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat