Deklarohet Hyseni: Gjilani sot foli më fuqishëm se kurrë, me një zë që kumbon e jehon për fitoren e LVV-së

Gjilani

Deklarohet Hyseni: Gjilani sot foli më fuqishëm se kurrë, me një zë që kumbon e jehon për fitoren e LVV-së

Nga: M.H. Më: 17 tetor 2021 Në ora: 22:33
Alban Hyseni

Kandidati për kryetar të Gjilanit, i cili momentalisht është duke fituar, Alban Hyseni përmes një postimi në facebok ka thënë se banorët e Gjilanit kanë votuar për një të ardhme të ndritshme.

Sipas tij, Gjilani sot foli më fuqishëm se kurrë, me një zë që kumbon e jehon për fitoren e Lëvizjes Vetëvendosje, përcjell “Bota sot”.

Ai shton se nevojitet të qëndrojmë së bashku dhe të bashkëpunojmë, në mënyër që të dërgojm qytetin përpara me projekte të reja.

Postimi i plotë

E kemi nisur rrugëtimin plot energji dhe vullnet, të cilën sot, banorët e Gjilanit e përkthyen fuqishëm me anë të votës. E ndryshuam mllefin e lënies në harresë, në votë për vizionin dhe plan programin e të ardhmes së dinjitetshme të Gjilanit.

Gjilani sot foli më fuqishëm se kurrë, me një zë që kumbon e jehon për fitoren e Lëvizjes Vetëvendosje. Por kjo nuk është vetëm fitore e Lëvizjes. Kjo është fitore e jonë e përbashkët, ku të parët qëndroni ju si banorë të Gjilanit, pa të cilët ndryshimi nuk bëhet i mundur. Ky rrugëtim nuk mbaron këtu. Në fakt, puna e vërtetë, fillon këtu, tani.

Kemi nevojë të qëndrojmë bashkë, e të bashkëpunojmë. Për këtë arsye kemi punuar që programi dhe qeverisja e jonë të shkojë drejt zhvillimit me politika gjithëpërfshirëse për të gjitha moshat, për të gjitha shtresat, për të gjitha bizneset, për të gjitha fshatrat e lagjet. Vetëm në këtë mënyrë, ne sigurohemi se Gjilani ecën në rrugën e duhur. T’i çojmë përpara, projektet që i kemi paraparë e biseduar me ju gjatë kësaj fushate.

Sepse bashkë jemi më shumë, bashkë jemi më mirë, bashkë punojmë e bashkë qeverisim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat