Haziri: Brenda 90 ditëve do të mbahet Kuvendi i jashtëzakonshëm zgjedhor në Gjilan

Gjilani

Haziri: Brenda 90 ditëve do të mbahet Kuvendi i jashtëzakonshëm zgjedhor në Gjilan

Më: 20 nëntor 2021 Në ora: 16:52
Lutfi Haziri

Nën udhëheqjen e kryetarit të degës së LDK-së në Gjilan, njëherësh nënkryetar i parë në nivel qendror, Lutfi Haziri, janë mbajtur të shtunën takime me strukturat e partisë, përfshirë kryesinë, kryetarët e nëndegëve, grupin e këshilltarëve komunal, Forumin e Gruas dhe Forumin e Rinisë.

Haziri ka falënderuar strukturat e degës për angazhimin e jashtëzakonshëm, duke e bërë rikthimin e madh të LDK-së si parti e parë në Kuvendin Komunal.

Me këtë rast, Lutfi Haziri ka falënderuar të gjithë qytetarët për besimin e madh ndaj tij dhe LDK-së në zgjedhjet e 17 tetorit dhe ato të 14 nëntorit.

Ai ka thënë se LDK është më unike se kurrë, derisa paralajmëroi se brenda 90 ditëve do të mbahet Kuvendi i jashtëzakonshëm zgjedhor i degës, ku edhe pritet të dalin strukturat e reja të cilat do të jenë të gatshme për betejat e ardhshme zgjedhore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat