Asamblisti i LDK-së thotë se gjilanasit u mashtruan nga VV më 14 shkurt: Kujdes kur dashuron, dhe kë dashuron!

Gjilani

Asamblisti i LDK-së thotë se gjilanasit u mashtruan nga VV më 14 shkurt: Kujdes kur dashuron, dhe kë dashuron!

Më: 19 dhjetor 2021 Në ora: 22:12
LDK

Asamblisti i LDK-së, në Gjilan, Avdyl Aliu, ka thënë se Lëvizja Vetëvendosje po thirret shumë në 14 shkurtin, meqë sipas tij ishte rastësi që zgjedhjet u mbajtën pikërisht në Ditën e Dashurisë.

Megjithëse, Aliu ironizoi duke thënë se qytetarët e Gjilanit kanë dështuar në dashuri, teksa tani do t’u nevojitet kohë që t’i shërojnë këto plagë.

“Po thirren shumë në 14 shkurtin, ka rastisur që zgjedhjet me u mbajt më 14 shkurt.

14 shkurti është edhe Dita e Dashurisë, më një mënyrë atë ditë qytetarët e Gjilanit kanë pasur me shpreh dashurinë, edhe kanë shprehur dashuri ndaj Lëvizjes Vetëvendosje, ndaj Albin Kurtit dhe deputetëve të LVV-së nga Gjilani, edhe po del që qytetarët e Gjilanit kanë dështuar në dashuri. Tash kanë kohë që t’i shërojnë plagët e dashurisë, por plagët e dashurisë dhëmbin shumë, e shërohen vështirë, për fund ju kisha thanë qytetarëve të Gjilanit, një thënie: Kujdes kur dashuron, dhe kë dashuron!”, është shprehur Aliu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat