Vetëvendosje ia jep PDK-së tri drejtori, detaje nga bisedimet për koalicion në Gjilan

Gjilani

Vetëvendosje ia jep PDK-së tri drejtori, detaje nga bisedimet për koalicion në Gjilan

Më: 5 janar 2022 Në ora: 21:33
Leonora Morina-Bunjaku

Lëvizja Vetëvendosje është duke zhvilluar bisedimet me Partinë Demokratike të Kosovës, për të arritur një marrëveshje për bashkëqeverisje në Gjilan.

Kështu Vetëvendosje i ka ofruar Partisë Demokratike tri drejtori.

Kështu tha ish-kandidatja e PDK-së për kryetare të Gjilanit, Leonora Morina-Bunjaku.

Ajo tha se fillimisht PDK-ja i ka kërkuar pesë drejtori dhe njërin nga postet e nënkryetarit ose kryesuesit të Kuvendit Komunal.

Tani, sipas saj, kërkesa e Partisë Demokratike është katër drejtori dhe kryesuesi.

“Ata na kanë ofruar tri drejtori. Ne fillimisht kemi kërkuar pesë drejtori edhe njërin nga postet e nënkryetarit ose kryesuesit. Ndërkohë ne kemi lëvizur nga pesë në katër drejtori dhe postin e kryesuesit”.

“Tani jemi në pritje të finalizimit të marrëveshjes për bashkëqeverisje”.

Sot nuk u arrit të zgjidhet kryesuesi i Kuvendit Komunal të Gjilanit, pasi nuk u arrit ujdi mes Vetëvendosjes me 10 asamblistë dhe partive opozitare.

Seanca e radhës është caktuar më 7 janar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat