Haziri: LDK do të mbetet gardiane e interesave të qytetarëve të Gjilanit

Gjilani

Haziri: LDK do të mbetet gardiane e interesave të qytetarëve të Gjilanit

Më: 6 janar 2022 Në ora: 18:54
Lutfi Haziri

Ish-kryetari i Gjilanit Lutfi Haziri, ka reaguar pas arritjes së koalicionit mes Lëvizjes Vetëvendosje dhe Partisë Demokratike të Kosovës në këtë komunë.

Haziri tha se ky koalicion nuk është vullnet i qytetarëve por i funksionarëve.

Ai theksoi se Lidhja Demokratike e Kosovës ka qenë dhe do të jetë gardiane e interesave të qytetarëve të Gjilanit.

“Pas zgjedhjes së kryesuesit të ri të Kuvendit Komunal të Gjilanit, në emër të LDK-së, iu dëshiroj suksese në punë në interes të qytetarëve. LDK është partia më e madhe në Kuvend dhe do të sillet si e tillë. Besimin e qytetarëve do ta shtyjmë përpara si opozitë në bashkëpunim me të gjithë”.

“LDK ka qenë dhe do të mbetet gardiane e interesave të qytetarëve të Gjilanit. VV ka zgjedhur partnerët politikë dhe ky është vullnet i funksionarëve e jo qytetarëve!”.

Sot është zgjedhur edhe kryesuesi i Kuvendit Komunal në Gjilan.

Këtë post për katërvjet do ta ketë Arianit Sadiku, i Vetëvendosjes.

Zgjedhja e tij u arrit edhe me përkrahjen e Partisë Demokratike të Kosovës.

PDK në qeverisjen komunale në Gjilan do të ketë postin e nënkryetarit dhe katër drejtori.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat