Kryetari i Komunës së Gjilanit, Lufti Haziri ka thënë se me dhimbje të thellë e ka marrë lajmin për vdekjen e atdhetarit, Rexhep Berisha, babai i kolosit, Nuhi Berisha.
Haziri ka thënë se baca Rexhë ishte për të gjithë ne i veçantë, për qytetin poashtu dhe si i tillë gjithmonë do ta mbajmë në kujtime këtë burrë të madh të Gjilanit.
Postimi i plotë:
Me dhembje të thellë e mora kumtin e ndarjes nga jeta të atdhetarit, Rexhep Berisha, babai i kolosit, Nuhi Berisha. Baca Rexhë ishte për të gjithë ne i veçantë, për qytetin poashtu dhe si i tillë gjithmonë do ta mbajmë në kujtime këtë burrë të madh të Gjilanit. Me qëndrimin e vendosur për lirinë e Kosovës, ai gjatë gjithë jetës ka qenë në krah të organizimeve dhe iniciativave, që kishin të bëjnë me lirinë e Kosovës. Jam krenar që me iniciativën time, Kuvendi i Gjilanit vitin e kaluar e shpalli Qytetar Nderi. Lavdi e përjetshme jetës dhe veprës së tij. LH