Haziri: Kurban Bajrami thërret për kujdes ndaj skamnorëve - Bota Sot
Haziri: Kurban Bajrami thërret për kujdes ndaj skamnorëve

Gjilani

Haziri: Kurban Bajrami thërret për kujdes ndaj skamnorëve

Më: 1 shtator 2017 Në ora: 13:53
Haziri ka vizituar sot kryetarin e Bashkësisë Islame në Gjilan, Naim Aliun dhe kryesinë e BI

Kryetari i Komunës së Gjilanit, Lutfi Haziri, i shoqëruar nga bashkëpunëtorët, ka vizituar sot kryetarin e Bashkësisë Islame në Gjilan, Naim Aliun dhe kryesinë e BI për t’ua uruar festën e Kurban Bajramit.

“E urova kryetarin e Bashkësinë Islame për festën e Kurban Bajramit dhe me këtë rast ua uroj të gjithë qytetarëve të Gjilanit. Kjo është një festë e sakrificës, misionit dhe obligimin që e kemi ndaj Zotit dhe profetit. Kurban Bajrami thërret për solidaritet, që ta ndajmë të mirën bashkë dhe të kemi kujdes ndaj atyre që kanë nevojë çdo ditë, jo  vetëm në festë. Thirrja më e madhe e kësaj feste është që të kujdesemi për jetimët, skamnorët dhe të pambrojturit”, ka thënë pas vizitës kryetari i Gjilanit, Lutfi Haziri.

Sipas një komunikate të Komunës së Gjilanit, Haziri e ka falënderuar kryetarin e Bashkësisë Islame për rolin e rëndësishëm në mekanizmin referues dhe për kontributin në kultivimin e dialogut ndërfetar.

“Falë kontributit të Bashkësisë Islame, Gjilani sot është komunë model për kultivimin e dialogut ndërfetar dhe tolerancën. Për këtë punë jemi marrë shembull edhe në Këshillin e Sigurimit të OKB-së”, tha Haziri.

Kurse, kryetari i Bashkësisë Islame në Gjilan, Naim Aliu, e ka falënderuar kryetarin Haziri për vizitën e stome dhe për, siç tha, bashkëpunimin e mirë që e kanë në vazhdimësi me Komunën  e Gjilanit.

Sot mund të lexoni Shfletoni kopertinat