Gjilani nis investimet e mëdha në rrjet të ujësjellësit, kosto 500 mijë euro - Bota Sot
Gjilani nis investimet e mëdha në rrjet të ujësjellësit, kosto 500 mijë euro

Gjilani

E martë, 13 nëntor 2018

Gjilani nis investimet e mëdha në rrjet të ujësjellësit, kosto 500 mijë euro

Më: 22 maj 2018 Në ora: 16:00
Gjilani nis investimet

Komuna e Gjilanit në bashkëpunim me KRU “Hidromorava” dhe CDI, sot ka filluar implementimin e projektit të rrjetit të ri të ujësjellësit që përfshinë një pjesë të madhe të zonës urbane, por edhe fshatrave të Gjilanit, me kosto prej mbi 500 mijë euro.

Gjatë fillimit të punimeve për ndërtimin e rrjetit të ujësjellësit në lagjen “Porodin” kryetari i Gjilanit, Lutfi Haziri, ka njoftuar se në projekt përfshihet edhe investimi në krejt pjesën e djathtë të rrugës qarkore, për të vazhduar tek tuneli përgjatë “Rrugës së Prishtinës” në sanimin e rrjetit.

Ndërsa, në fshatra, Haziri tha se është i paraparë ujësjellësi për Verbicë e Kmetocit, Bilinicë dhe Vrapqiq, ku do të përfitojnë mbi 800 konsumatorë ose mbi 4 mijë banorë.

“Kemi filluar me ujësjellësin, do të vazhdohet edhe me projekte të tjera nëpër këto vendbanime sipas prioriteteve dhe nevojave që kanë. Investimi është obligim i yni që të integrojmë çdo familje në jetën e përbashkët me kushte më të mira infrastrukturore. Kërkesë e jona e vazhdueshme është që punët të kryhen me kualitet dhe gjithmonë duke respektuar afatet kohore”, tha Haziri.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test