U hap tregu multientik mobil, dhe kooperativa bujqësore në Kmetoc të Gjilanit - Bota Sot
U hap tregu multientik mobil, dhe kooperativa bujqësore në Kmetoc të Gjilanit

Gjilani

E martë, 13 nëntor 2018

U hap tregu multientik mobil, dhe kooperativa bujqësore në Kmetoc të Gjilanit

Më: 27 shtator 2018 Në ora: 15:54
Kmetoc të Gjilanit

Komuna e Gjilanit ka hapur sot tregun mobil dhe kooperativën bujqësore në fshatin Kmetoc, ku qytetarët shqiptarë dhe serbë do të mund t’i shesin prodhimet e tyre bujqësore, sikurse edhe që do t’i përdorin pajisjet moderne bujqësore.

Në ceremoninë e hapjes, ka marrë pjesë kryetari Lutfi Haziri, ambasadori i Mbretërisë së Bashkuar në Kosovë, Ruari O’Connell dhe zëvendëskryeministri i Kosovës, Dalibor Jevtic.

“Sot Kmotoci e ka përfituar tregun mobil dhe Shoqatën Kooperativa falë mbështetjes së IOM, Komisioni Evropian, ministrit Jevtic dhe Komunës së Gjilanit. Realizimi i këtij projekti është i vonshëm, por i domosdoshëm për Kmetocin sepse këta njerëz kanë kontribuar në multietnicitet, duke e ruajtur fqinjësinë e mirë, bashkëpunimin dhe duke përballuar vështirësitë e jetës bashkë. Ne do të vazhdojmë që ta funksionalizojmë tregun mobil te kisha e Shën Nikollës dhe do ta ndërtojmë tregun e ri të gjelbër ku do të integrohen të gjithë bujqit në mënyrë që të shfrytëzohen të gjitha hapësirat bashkërisht”, ka thënë kryetari i Gjilanit, Lutfi Haziri.

Amabasadori i Mbretërisë së Bashkuar, Ruari O’Conell, ka thënë se pjesëmarrja e shqiptarëve dhe serbëve në këtë ngjarje është mesazh i mirë për të huajt.

“Më vjen mire nëse mundemi ne si britanik në Kosovë që t’ju ndihmojmë që të punoni diçka realisht dhe me të vërtetë. Më vjen mirë që sot keni dalë të gjithë dhe ky është mesazh i mirë për neve të huajt të shohim çka është jeta normale, çka është jeta në Kosovë. Ju uroj suksese!”, ka deklaruar O’Connell.

Kurse, zëvendëskryeministri i Kosovës, Dalibor Jevtic, është shprehur që jetë i lumtur që është realizuar ky projekt i rëndësishëm.

“Jam i lumtur që sot jemi në hapjen e tregut. Falënderoj ambasadën britanike, KE, UN dhe kryetarin Haziri për këtë bashkëpunim. Duhet të shikojmë se çka është prioritet i punës sonë e kjo është që të punojmë së bashku. Dhe me forca të përbashkëta të krijojmë kushte që qytetarët tanë të mund të jetojnë dhe ky treg këtu i mundëson qytetarëve të Kmetocit që prodhimet e veta t’i plasojnë dhe shesin, ngase kemi edhe shumë punë dhe probleme që duhet t’i zgjidhim”, tha ai.

Këto dy projekte kapin koston e afro 60 mijë eurove.

Sot mund të lexoni Shfletoni kopertinat
Sondazh
test