Ngritet aktakuzë për personat që punuan keq në kulmin e shkollës në Gjilan - Bota Sot
Ngritet aktakuzë për personat që punuan keq në kulmin e shkollës në Gjilan

Gjilani

E premte, 19 tetor 2018

Ngritet aktakuzë për personat që punuan keq në kulmin e shkollës në Gjilan

Më: 12 tetor 2018 Në ora: 11:29
Gjilan

Departamenti i Përgjithshëm, në Prokurorinë Themelore në Gjilan, ka ngritur aktakuzë ndaj të pandehurve A.LL. dhe M.I., për shkak të dyshimit se kanë kryer veprat penale ‘’Shkaktim i rrezikut të përgjithshëm’’ dhe ‘punimet ndërtimore të kundërligjshme

Sipas aktakuzës, gjatë muajit shtator në një shkollë fillore në komunën e Gjilanit, të pandehurit nga pakujdesia dhe si pasojë e mos kryerjes së punëve, duke mos i vendosur në kuadër të standardeve pllakat e stiropolit, të njëjtat janë zvarrë nga pllaka e plafonit të klasës, me ç’rast kanë rrezikuar jetën e nxënësve, të cilët sapo e kanë vërejtur rrezikun kanë dalë nga klasa.

Në këtë mënyrë, të pandehurit kanë kryer veprën penale ‘’Shkaktim i rrezikut të përgjithshëm’’.                                                     

Gjithashtu, të pandehurit si persona përgjegjës me rastin e projektimit, mbikëqyrjes apo kryerjes së ndërtimit të punëve ndërtimore, nga pakujdesia kanë vepruar në kundërshtim me standardet profesionale përgjithësisht të pranuara, duke vendosur pllakat e stiropolit në shkollë, të cilat janë zvarrë pas kryerjes së punëve dhe kanë rrezikuar jetën e njerëzve.

Në këtë mënyrë, të pandehurit kanë kryer edhe veprën penale Punimet ndërtimore të kundërligjshme.

Në fund, Prokurori i Shtetit, i ka propozuar Gjykatës kompetente në Gjilan, që të pandehurit t’i shpallë fajtor për veprat e kryera penale dhe t’iu shqiptoj sanksion

Shfaq komentet
comments powered by Disqus
Sot mund të lexoni Shfletoni kopertinat
Sondazh
test