Kryetari i Nëndegës së LDK-së takon Ukë Rugovën

Gjilani

Kryetari i Nëndegës së LDK-së takon Ukë Rugovën

Nga: Fitim Redenica Më: 7 nëntor 2018 Në ora: 19:53
Rashit Sahiti tek varri i presidentit historik Dr. Ibrahim Rugova

Sot, Kryetari i Nëndegës së LDK-së të fshatit Malishevë dhe një ndër themeluesit kryesor të LDK-së në Gjilan, prof. Rashit Sahiti, është mirëpritur nga z. Ukë Rugova, djali i presidentit historik Dr. Ibrahim Rugova në shtëpinë e tij në Velani të Prishtinës.

“Lëvizja e rezistencës paqësore e presidentit të ndjerë Dr. I. Rugovës është medalja e artë e cila e ka sjellë lirinë dhe pavarësinë e vendit. Ajo duhet vetëm që të na bashkojë të gjithë qytetarët e Republikës së Kosovës, për çka duhet të jemi shumë krenar që sot e kemi lirinë dhe shtetësinë tonë. Në të njëjtën kohë duhet çdo ditë të mendojmë, për të gjithë ata të cilët kanë dhënë diçka, kontributdhënësit për shtetin tonë, për Republikën e Kosovës. 

Po ashtu  ky respekt veçanërisht iu takon dëshmorëve, heronjve martirëve, por gjithsesi edhe gjithë atyre njerëzve që me sakrificën e tyre, kanë treguar vërtetë një qëndrueshmëri të paepur dhe kanë besuar në qëllimin tonë me të shenjtë të popullit tonë, siç ka qenë liria dhe pavarësia e Dr. Ibrahim Rugovës. E kjo familje ka pasur një sublimim historik për rrugëtimin e gjatë të presidentit Rugova, i cili na mundësoi që përfundimisht të kem shtetin tonë të pavarur dhe sovran deklaroi kryetari prof. Rashit Sahiti.

Ndërsa në anën tjetër, z. Ukë Rugova ka falënderuar kryetarin Rashit Sahiti, që sot, ka gjetur kohë që të bëjë homazhe tek varri i presidentit, por dhe që e vizitoi familjen e tij. Po ashtu i’u është falenderuar për kontributin e dhënë në themelimin e LDK-së në Gjilan, në kohët më të vështira të popullit tonë. Gjilani së bashku me ju dhe kryetarin z. Lutfi Haziri, gjithmonë ishin fuqimisht mbështetës dhe përkrahës të mëdhenjë të presidentit Rugova, deklaroi Ukë Rugova.

Image
Image
commentFirst article
Sot mund të lexoni Shfletoni kopertinat