Woods del nga spitali 3 javë pas aksidentit me makinë

Golf

Woods del nga spitali 3 javë pas aksidentit me makinë

Më: 17 mars 2021 Në ora: 11:45
Woods del nga spitali 3 javë pas aksidentit me makinë

Tri javë pas aksidentit me makinë, golfisti i famshëm Tiger Woods ka lënë spitalin dhe është rikthyer në shtëpinë e tij.

Gjatë kësaj periudhe ai kreu një operacion në këmbën e djathtë, që pësoi fraktura të shumta gjatë aksidentit të 23 shkurtit, kur makina e tij doli jashtë rruge në Kaliforni.

45-vjeçari po shkonte në një intervistë në “Rolling Hills Country Club”kur pësoi aksidentin, për fat pa pasoja të rënda për Woods. Përmes një postimi në rrjetet sociale, ai shkroi: “I lumtur t’ju bëj me dije se jam sërish në shtëpi, ku do të vijoj periudhën e rehabilitimit. Ju falënderoj për mbshtetjen gjatë javëve të fundit”.

Tiger Woods u shpreh se do të vijojë në shtëpinë e tij fazën e rehabilitimit, duke punuar për t’u rikthyer më i fortë. Nuk dihet ende se sa do të zgjasë kjo periudhë dhe nëse Woods do të ketë shanse të përfaqësojë Amerikën në Lojërat Olimpike “Tokio 20202'.

commentFirst article
Më të lexuarat
Sot mund të lexoni Shfletoni kopertinat